AWIRI AMANGIDWA KAMBA KOONETSA MASEWERO MOPANDA CHILOREZO

Abambo awiri, Lapken Thole komanso Samson Chikwata, akuimbidwa mlandu ndi bungwe la Super League of Malawi kamba kojambula masewero a mpira wamiyendo a pansi mwa bungweli mopanda chilolezo.

Awiriwa apatsidwa mlandu wozizimbayitsa ngati ma membala opatsidwa mphamvu pansi pa bungwe zomwe ndi zosemphana ndi Section 101 ndi 102 ya malamulo a kufalitsa nkhani.

Iwo apatsidwa mlanduwu ndi khothi la majesitileti ku Blantyre ndipo apatsidwa belo la polisi. Iwo ankaonetsa masewero a FCB Nyasa Big Bullets komanso Kamuzu Barracks sabata yatha pa tsamba la mchezo.

Bungweli lachenjeza anthu onse kuti kuonetsa masewero aliwonse a pansi pa bungweli mopanda chilolezo chawo ndi mlandu ndipo lamulo lidzagwira ntchito pa onse opekeza.

Wolemba: Hastings Wadza Kasonga Jr