AARON WAPANIDWA NDI ZENERA

Katswiri wa timu ya CIvo, Lloyd Aaron, akadalibe katswiri watimuyi pomwe palibe timu iliyonse yomwe yamusaina katswiriyu mpaka msika wogula ndi kugulitsa osewera watsekedwa usiku wa dzulo.

Aaron anali ndi khumbo lotumikira ku Mighty Mukuru Wanderers koma timuyi inakanika kumvana ndi Civo pa mtengo wa K15 million yomwe imafunika pa katswiriyu.

Silver Strikers inalowanso m'bwalo pomwe inaika K7.5 million pa katswiriyu koma Civo inakana ndipo mochedwa inaika K10 million koma Aaron sanayankhe pomwe akufunitsitsa kupita ku Blantyre.

Wanderers ndi timu imene ili ndi mwayi wasaina katswiriyu ngati akufunabe pomwe inatumiza kale pempho pa Mpira Connect losamutsa osewerayu koma pangongole ndipo atakambirana ndi Civo, katswiriyu atha kuoneka kutimuyi.

Iyo yakonza K2 million ya ngongoleyi komanso K300,000 ngati ndalama ya pamwezi ya katswiriyu yemwe anadziwika kwambiri ku COSAFA Cup ndi Flames.