AARON AKUTANI KU BLANTYRE?

Owinna ili ndi malipoti kuti katswiri wa timu ya Civo United, Lloyd Aaron, ali mu mzinda wa Blantyre pomwe watsala pang'ono kusaina mgwirizano ndi timu ya Mighty Mukuru Wanderers msika wa osewera usanatsekedwe.

Mmodzi a anthu aku timu ya Wanderers, watsimikiza kwa Mtolankhani wathu kuti Aaron wamvana chilichonse ndi timuyi ndipo Wanderers ikumalizitsa zomvana ndi Civo United.

Timu ya Civo United inati ikufuna ndalama zokwana K15 million pa Aaron koma Manoma akukambirana za kamtengo kakang'ono ndi timuyi.

Inenso wati Dennis Chembezi sasaina ndi Wanderers mmalo mwake akuzisakira malo ku timu Ina kunja kwa dziko lino.

Aaron anadziwika kwambiri kamba kosewera bwino ndi timu ya Flames kumpikisano wa COSAFA Cup mdziko la South Africa chaka chino ndipo Silver Strikers imamufunanso.