CHIPOLOPOLO RETIRES AFTER 9 SEASONS

Extreme Football Club midfielder Mabvuto Vwa Msowoya Chipolopolo hang boots after almost nine (9) seasons playing in the Malawi's elite league.

Chipolopolo played for Mighty Tigers, TN Stars FC, EPAC FC and he is retiring after playing one season with a relegated Mchinji based outfit, Extreme FC.

"ZACHUMA ZAVUTA MPAKE TINANGOBWERA 11 BASI" - KAFOTEKA

Wachiwiri kwa mphunzitsi watimu ya Extreme FC, Elvis Kafoteka, wayamikira anyamata omwe anasewera ndi timu ya Chitipa United kuti anasewera bwino kwambiri angakhale kuti anabwera 11 okha basi.

Iye amayankhula izi atagonja 2-1 ndi Chitipa United pa bwalo la Chitowe ndipo wati timuyi yaphunzira umoyo wamu TNM Supa ligi ndipo adzabweranso ulendo wina koma mwamphamvu.

"Anali masewero abwino kwambiri anyamata anazipereka ngakhale anabwera 11 basi kungoti zachuma zavuta anyamata omwe timawadalira athawako mpake goloboyi yemwe timamudalira anasewera kutsogolo kwathu komabe taphunzira mmene Supa ligi imakhalira ndi nthawi yokonzanso timu kuti tidzabwerenso." Anatero Kafoteka.

Timuyi ndi yomwe inayamba kutuluka mu ligiyi ndipo yathera pansi penipeni ndi mapointsi 19 pa masewero 30 omwe inasewera mu ligiyi.

Wolemba: Hastings Wadza Kasonga Jr

"TAGONJA NDI TIMU YABWINO" - KAFOTEKA

Wachiwiri kwa mphunzitsi watimu ya Extreme FC, Elvis Kafoteka, wati chibwana ndi chimene chawapangitsa kuti asachite bwino mmasewero awo pomwe agonja 1-0 ndi timu ya Kamuzu Barracks pa bwalo la Civo lachitatu.

Iye amayankhula izi atatha masewerowa omwe anachinyitsa nthawi yothayitha ndipo iye wavomereza kugonjaku ponena kuti agonja ndi timu yabwino.

"Tagonja ndi timu yabwino kwambiri, yasewera bwino kwambiri koma ifeyo tikanatha kupambana koma taphonya mipata yathu kamba ka chibwana nde sitikanapambana." Anatero Kafoteka.

Timu ya Extreme inakhala yoyamba kutuluka mu ligi ya TNM pomwe pano ili ndi mapointsi 18 pamasewero 29 omwe yasewera ndipo mmasewero otsiriza, idzakumana ndi Chitipa United.

Wolemba: Hastings Wadza Kasonga Jr

"WE WANT TO GO OUT WITH HONOUR" - KAFOTEKA

Extreme FC deputy coach, Elvis Kafoteka, says his team will go with full force against Blue Eagles on Saturday to revenge their Castel Challenge Cup defeat that led to their early exit in the tournament.

He said this ahead of the match that will be played at the Nankhaka Stadium and said his team will try to win their remaining games to leave the elite league in style.

"Blue Eagles is a good side, we faced them in the Castel Challenge Cup where we gave them problems. They struggled to beat us but they knocked us so we will go for a revenge in the match. We want to win the remaining games so that we should go with honour." Said Kafoteka.

The Mchinji based side become the first team to be relegated from the league last week as they have 18 points from 27 games on position 16 on the table.

EXTREME YATULUKA MU LIGI

Timu ya Extreme FC yakhala yoyamba kutuluka mu ligi ya chaka chino kutsatira kugonja 2-1 ndi timu ya Red Lions pa bwalo la Balaka masana a loweruka.

Deus Nkutu ndi Mike Kaziputa anagoletsa zigoli za Lions pomwe Beston Jimu anamwetsako cha Extreme kuti Lions itsalebe ndi mwayi otsala mu ligi. Wachiwiri kwa mphunzitsi watimuyi, Elvis Kafoteka, wati unali ulendo wovuta mu ligiyi.

"Wakhala ulendo wosasangalatsa kwambiri chifukwa masewero oti tiziwina timaluza koma ovutawo timawina nde mwina tikanakhala kuti timakhazikika pa zochita anyamatawa bwenzi atatsala mu ligi." Anatero Kafoteka.

Timuyi ili pa nambala 16 ndi mapointsi 18 pa masewero 27 omwe yasewera ndipo yasewera mu ligiyi kwa chaka chimodzi tsopano ikubwereranso mu Chipiku Stores Central Region Football league.

Wolemba: Hastings Wadza Kasonga Jr

EXTREME YATULUKA MU LIGI

Timu ya Extreme FC yakhala yoyamba kutuluka mu ligi ya chaka chino kutsatira kugonja 2-1 ndi timu ya Red Lions pa bwalo la Balaka masana a loweruka.

Deus Nkutu ndi Mike Kaziputa anagoletsa zigoli za Lions pomwe Beston Jimu anamwetsako cha Extreme kuti Lions itsalebe ndi mwayi otsala mu ligi. Wachiwiri kwa mphunzitsi watimuyi, Elvis Kafoteka, wati unali ulendo wovuta mu ligiyi.

"Wakhala ulendo wosasangalatsa kwambiri chifukwa masewero oti tiziwina timaluza koma ovutawo timawina nde mwina tikanakhala kuti timakhazikika pa zochita anyamatawa bwenzi atatsala mu ligi." Anatero Kafoteka.

Timuyi ili pa nambala 16 ndi mapointsi 18 pa masewero 27 omwe yasewera ndipo yasewera mu ligiyi kwa chaka chimodzi tsopano ikubwereranso mu Chipiku Stores Central Region Football league.

Wolemba: Hastings Wadza Kasonga Jr

EXTREME YANGOTSALA UMBONI KUTI YATULUKA

Timu ya Extreme tikhonza kutsimikiza kuti ikhala timu yoyamba kusiyana nayo ligi ya chaka chino pomwe phazi lililonse limene Ekwendeni Hammers litasunthe ndekuti chikwanje chiwagwera.

Extreme ili ndi mapointsi 18 kutsatira kugonjetsa Bangwe All Stars 3-2 loweruka ndipo yatsala ndi masewero anayi okha omwe atati apambana onse ndi mapointsi 12. Iyo ikhonza kudzafika pomwe pali Ekwendeni Hammers ndipo kuti isagonjeko komanso Extreme idzamwetse zigoli zodutsira 12.

Mphunzitsi watimuyi, Andrew Bunya, wati kupambana kwawo kwa dzulo ndi kongoonetsa kuti timu yawonso ndi yabwino.

"Tinasewera bwino makamaka mchigawo choyamba pomwe tinapeza chigoli ndipo mchigawo chachiwiri tinaonjezera ziwiri komabe tinatayilira bwenzi tikuti ndi 3-3, tangofuna kuonetsa kuti nafenso sife timu yopanda mphamvu." Anatero Bunya.

"SITINATULUKIRETU, MWENDO WINA ULI MKATI" - KAFOTEKA

Wachiwiri kwa mphunzitsi watimu ya Extreme FC, Elvis Kafoteka, wati zinthu zikuoneka kuti zikuvutabe koma timu yake sinatulukiretu mu ligi.

Iye amayankhula izi atatha masewero omwe timuyi yagonja 3-0 ndi Mighty Mukuru Wanderers pa bwalo la Kamuzu lamulungu ndipo wati awauza anyamata ake kuti asataye mtima.

"Tingowauza kuti alimbikirebe pa masewero omwe atsalawa, masewero 6 ndi ambiri amenewa, mwina omwe ali pamtunda pathu tikusiyana mapointsi 6 nde kupambana atatu kapena anayi zitha kusintha zinthu. Mwina mwendo wina watuluka wina ukadali mkati nde tiyikabe mtima mwina chozizwa ndi kubwera." Anatero Kafoteka.

Extreme itati yapambana masewero awo onse omwe yatsala nawo, itha kufika pa mapointsi 32 koma apa ilinawo 14 pa masewero 24 omwe yasewera.

#Tawonga2023

"OSEWERA AMALIMBIKIRA AKAMASEWERA NDI MATIMU AKULUAKULU" - KAFOTEKA

Wachiwiri kwa mphunzitsi watimu ya Extreme FC, Elvis Kafoteka, wati vuto losewera bwino akamakumana ndi matimu akuluakulu ndi limene lawapweteketsa mu ligi ya TNM.

Kafoteka amayankhula izi atatha masewero omwe agonja 2-0 ndi Moyale Barracks yomwe inali ndi osewera mmodzi olandira kalata yofiira pa bwalo la Nankhaka. Iye wati timu yake imaphonya kwambiri.

"Anali masewero abwino kwambiri makamaka mchigawo chachiwiri chomwe timasewera bwino koma anyamata aphonya kwambiri mwina zigoli zitatu kapena zinayi. Vuto anyamata amaganiza ngati ochinya ndi wakutsogolo yekha koma timawauza kuti aliyense kaya wakumbuyo atha kugoletsa." Anatero Kafoteka.

Iye anatinso timu yake ikuyenera kusewera mofanana mmasewero awo onse pomwe wati amatsitsa moto akamakumana ndi matimu ocheperako kusiyana ndi matimu akuluakulu.

Timuyi ili pa nambala 16 pomwe ili ndi mapointsi 14 pa masewero 23 omwe yasewera mu ligiyi.

"MWINA NDIVOMERE KOYAMBA KUTI TIKUTULUKA MU LIGI" - KAFOTEKA

Wachiwiri kwa mphunzitsi watimu ya Extreme FC, Elvis Kafoteka, wati zinthu zikuvuta tsopano kutimu yake ndipo wavomera kwa nthawi yoyamba kuti timuyi ikhonza kutuluka mu ligi.

Kafoteka amayankhula izi atatha masewero omwe timuyi yagonja 1-0 ndi timu ya Ekwendeni Hammers pa bwalo la Rumphi ndipo wati mulingo womwe anauyika kuti apambane mmasewero awo wachepa ndipo ndi zokaikitsa kuti atsalabe mu ligi.

"Mwina tivomereze kwa nthawi yoyamba kuti tikutuluka mu ligi chifukwa timawerengera kuti mwina masewero 7 kapena 8 kuti titsale mu ligi koma tsopano mwayi wathu wachepa, tikuyesetsa koma zikuoneka kuti zinthu zikuvuta tivomereze ndithu." Anatero Kafoteka.

Extreme FC ikubwerera kuchokera kumpoto kwa dziko lino opanda pointi iliyonse pomwe yagonja mmasewero awo omwe anali nawo. Timuyi ilibe ndi mapointsi 14 pa masewero 22 omwe yasewera.

#Tawonga2023

"EXTREME ILI NDI ZONSE ZOYENERA KUTI ISATULUKE" - KAFOTEKA

Wachiwiri kwa mphunzitsi watimu ya Extreme FC, Elvis Kafoteka, wati iye akulimbabe mtima kuti timu yakeyi situluka mu ligi ya chaka chino pomwe wati zoyenereza zonse alinazo kuti amene nkhondo yotsala mu ligiyi.

Kafoteka wayankhula izi lamulungu pomwe timu yake inagonja 2-0 ndi Karonga United pa bwalo la Karonga ndipo wati kugonjako ndi chifukwa choti anyamata ake anatopa ndi kuyenda poti anafika tsiku lomwelo.

Iye koma wati akukhulupilira kuti timuyi situluka mu ligi ya chaka chino monga iye mphunzitsi koma zitengera osewera kulimbikira kwao.

"Zotuluka mu ligi tikhonza kumenyerabe nkhondo, ineyo ngati mphunzitsi ndikunenabe kuti sitikuluka mu ligi koma zitengera anyamata ngati atazipereke." Anatero Kafoteka.

Extreme ikuchepekedwa ndi mapointsi asanu ndi atatu (8) kuti ipeze timu yomwe sili mu chigwa cha matimu otuluka mu ligi pomwe yatsala ndi masewero asanu ndi anayi kuti amalize ligi ya chaka chino.

#Tawonga2023

"MASAMU OTSALIRA MU LIGI NDI OPHWEKA" - BUNYA

Mphunzitsi watimu ya Extreme FC, Andrew Bunya, wati timu yake ikadali ndi mwayi waukulu otsala mu ligi ya TNM pomwe akuyenera kutolera mapointsi mmasewero omwe atsala nawo kuti asatuluke mu ligi.

Bunya amayankhula izi atatha masewero omwe agonja 1-0 ndi timu ya Mighty Wakawaka Tigers ndipo iye anati masewerowa amayenera kupambana kuti zinthu zisaipe koma satuluka.

"Tagonja mmasewero ofunikira kwambiri chifukwa tikanawina bwenzi titayandikira chakumtundako koma apapa sikuti kwatha, masamu ake ndi masewero khumi atsalawa ndi mapointsi 30, kuphatikiza 14 ndi 44, mwayi ndi wambiri tingolimbikira." Anatero Bunya.

Timu ya Extreme ili pansi pa ligi ya TNM pomwe yatolera mapointsi 14 pa masewero 20 omwe yasewera ndipo yatsala ndi masewero 10 kuti amalize ligi ya chaka chino.

#Tawonga2023

"CHIPAMBANO CHITITHANDIZA KUCHOKA KUMUNSI" - KAFOTEKA

Wachiwiri kwa mphunzitsi watimu ya Extreme FC, Elvis Kafoteka, wati masewero awo ndi timu ya Mighty Wakawaka Tigers lachiwiri akhale ofunikira kwambiri pomwe awaonetse tsogolo lowala loti atsalebe mu ligi ya TNM chaka chino.

Kafoteka amayankhula izi patsogolo pa masewerowa omwe alipo pa bwalo la Nankhaka ndipo wati wawauza osewera kuti akaikepo mtima kuti apambane mmasewerowa.

"Ndi masewero ofunikira kutimu yathu mwina kuposa ena aliwonse chifukwa tikapambana tiyandikira matimu atatu ndipo titseka mpata omwe unalipo ndekuti ulendo ofuna kutsala mu ligi ukhale owala. Pali masewero omwe timagonja chifukwa anyamata sanaikirepo mtima koma awa okha tawapempha kuti aikepo mtima." Anatero Kafoteka.

Timu ya Extreme ikuchokera kufanana mphamvu ndi Silver ndipo sikhala ndi Frank Sanudi pokumana ndi Tigers kamba ka zikalata zachikasu zitatu. Iyo ili pansi pa ligi ndi mapointsi 14 pa masewero 19.

#Tawonga2023

EXTREME IKUYANG'ANA KUCHOKA KUNSI SABATA INO

Wachiwiri kwa mphunzitsi watimu ya Extreme, Elvis Kafoteka, wati timu yawo ndi yokonzeka kwambiri pa masewero awo a mawa ndi timu ya Silver Strikers pomwe wati akuyang'ana zotuluka mu chigwa cha matimu otuluka akapambana masewero awo awiri.

Kafoteka wati akudziwa kuti masewero a Silver Strikers akhala ovuta kwambiri poti Silver ndi timu yaikulu komanso ili ndi osewera odziwa koma wati ayiphunzira timuyi.

"China chilichonse takonza pomwe timaonera makanema a Silver mmasewero awo omwe asewera posachedwa nde tikuyang'ana mu zofooka zawozo. Anyamata omwe atipeza atithandiza kuti tikonze mofooka mwathu chifukwa timapeza mipata yambiri koma timakanika kugoletsa." Iye anatero.

Extreme ili pansi pa ligi ya TNM pomwe yatolera mapointsi 13 pa masewero 18 omwe yasewera mu ligiyi.

EXTREME YALIMBITSA TIMU YAWO

Timu ya Extreme FC yasaina anyamata asanu ndi mmodzi (6) pomwe akufuna kumenyera nkhondo kuti akhalebe mu ligi ya TNM chaka chino.

Timuyi yatenga osewera awiri akale a Silver Strikers, Foster Bitoni ndi Mphatso Dzongololo mwaulere pomwe analibe timu Ina iliyonse.

Iwo atenganso anyamata ena anayi ndipo onse ndi awa:

✔️Foster Bitoni (ulere)
✔️ Mphatso Dzongololo (Ulere)
✔️Willard Dickson (Civo)
✔️Stephano John (Villa FC)
✔️Jafallie John (Silver Reserve LOAN)
✔️Wakisa Mwakifuna (Karonga United LOAN)

Source: Extreme FC | Zodiak

"PENATE YABODZA IJA YATILUZITSA" - BUNYA

Mphunzitsi watsopano kutimu ya Extreme FC, Andrew Bunya, wati timu yake inagonja masewero awo kamba ka penate imene oyimbira Mayamiko Kanjere anapereka kutimu ya FCB Nyasa Big Bullets lamulungu.

Bunya amayankhula izi atatha masewero omwe inagonja 3-0 ndipo anati oyimbira ndi yemwe anapangitsa kuti agonje.

"Mukunena penate yabodza ija, goloboyi anagwira mpira bwinobwino koma akuimba penate, zimenezo ndi zimene zatipangitsa kuti tichinyitse zigoli zambiri. Mchigawo choyamba sitimasewera bwino koma titabwera timasewera bwino koma penate ija inachotsa osewera mu game." Anatero Bunya.

Timuyi yalemba Bunya kamba koti inapezeka olakwa pogwiritsa ntchito mphunzitsi wopanda mapepala oyenerera. Extreme ili pa nambala 16 ndi mapointsi 10 pa masewero 17.

KAFOTEKA WATI SIKUNATHE KWA EXTREME

Mphunzitsi watimu ya Extreme FC, Elvis Kafoteka, wati timu ya Extreme FC sinatuluke mu ligi ndipo izikokera mmasewero omwe atsalawa kuti achoke ku chigwa cha matimu otuluka.

Kafoteka wayankhula izi timu yake itagonja ndi Dedza Dynamos ndi chigoli chakumapeto cha Charles Chipala pa bwalo la Civo pomwe wati akusowa chokamba poti samayenera kugonja. Iye wati timu yake ikufunika anyamata ena wowonjezera ndipo wati akadali ndi mwayi wokhazikika mu ligi.

"Mwayi ndi wambiri, apapa tatsala ndi masewero awiri mu chigawo choyamba ndipo tili ndi chigawo chachiwiri pomwe tikokere ma pointsi. Sindikudera nkhawa, anyamata akusewera bwino koma akungosowa kuikapo mtima omwe utipangitse kuti tizichita bwino." Iye anatero.

Chiyambireni ligi ya chaka chino, Extreme yapambana masewero amodzi ndi Wanderers ndipo yakwanitsa kupeza mapointsi 6 pa masewero 13 omwe yasewera mu ligiyi.

Rookies Extreme FC appoint CEO
TNM Super League of Malawi rookies Extreme football club has appointed Lonzoe Zimba as it's Chief Executive Officer.