"NDIKUKHULUPILIRA KUTI TIDZACHITA BWINO NDI BULLETS" - KAMANGA

Mphunzitsi watimu ya Kamuzu Barracks, Charles Kamanga, wati akudziwa kuti masewero awo otsatira mu chikho cha Airtel Top 8 ndi FCB Nyasa Big Bullets adzakhala ovuta koma akonzekera bwino kuti adzachite bwino.

Iye amayankhula atatha masewero omwe agonjetsa Chitipa United 4-3 pa mapenate pomwe mmasewero onse awiri anathera 2-2 pa bwalo la Civo ndipo wati anali masewero ovuta pomwe kukonzekera kwawo kuti mchigawo choyamba adzagoletse zigoli zambiri sikunatheke.

Iye wati akudziwa kuti Bullets ndi timu yabwino koma timu iliyonse imafunitsitsa itafika mu ndime yotsiriza.

"Tikudziwa kuti adzakhala masewero ovuta kwambiri koma ndime ya matimu anayi imakhala yofunikira kwambiri ku timu iliyonse poti imafuna kufika mu ndime yotsiriza nde anyamata akudziwa mmene angachitire tikukhulupilira kuti tichita bwino." Anatero Kamanga.

Mu ndime ina ya matimu anayi ya Airtel Top 8, matimu a Mighty Mukuru Wanderers ndi Silver Strikers adzak