"KB IDUTSA MOFEWA CHIFUKWA AMENYA KALE NDI YOVUTA" - NYAMBOSE

Mphunzitsi watimu ya Chitipa United, Christopher Nyambose, wafunira zabwino timu ya Kamuzu Barracks mu mpikisano wa Airtel Top 8 ndipo akukhulupilira kuti kwinako adutsa mofewa poti ovuta anali iwowo.

Iye amayankhula atatha masewero omwe agonja 4-3 pa mapenate pomwe mu mphindi 90 anagonja 2-0 koma anafanana mphamvu 2-2 poti anapambana mmasewero oyambawo.

Iye anati, "Anali masewero abwino mapenate amapita kwa wina aliyense koma tiwayamikire a KB asewera bwino ndipo tiwafunire zabwino kungoti achita bwino afika patali poti amasewera ndi timu yovuta lero anawa ayi." Anatero Nyambose.

Iye anati anyamata ake anangogona pang'ono zomwe zinachititsa kuti apezetse zigoli zonse ndipo akakonza mavuto onse kuti achite bwino.

Zateremu, Kamuzu Barracks ikakumana ndi timu ya FCB Nyasa Big Bullets mu ndime ina ya mpikisanowu pomwe mmasewero ena, Silver Strikers ikukana ndi Mighty Mukuru Wanderers.