"KODI AWA NTCHITO AMAPHUNZIRA KUTI? MUSANDITOLE MKAMWA" - KAUNDA

Mphunzitsi watimu ya Karonga United, Oscar Kaunda, wati oyimbira awononga mpira mmasewero omwe timu yake yalepherana 0-0 ndi Civo United lamulungu.

Iye amayankhula atatha masewerowa mokwiya kwambiri ndipo wati samafuna kuyankhulapo za oyimbira koma tsopano zamukwana.

"Nokha mwaona mmene amayimbilira Kodi awa ntchito amaphunzira kuti? Sindimafuna kuyankhula za oyimbira ngati mmene ndinachitira ku Blantyre kuja koma mwaona sizampira izi." Anatero Kaunda.

Timu ya Karonga ili pa nambala 9 ndi mapointsi asanu ndi atatu (8) pa masewero asanu ndi awiri (7) omwe Iwo asewera.