CHAWINGA WAGOLETSA CHIGOLI CHOYAMBA MU 2024

Katswiri wa Scorchers, Tabitha Chawinga, wagoletsa chigoli chake choyamba mu chaka cha 2024 pomwe timu ya PSG yagonjetsa Lille 6-0 mu D1 Arkema yomwe ndi ligi yaikulu ku France lachiwiri.

Chawinga anali panja mmene masewero amayamba ndipo analowa mmene chigawo chachiwiri chimayamba ndipo anagoletsa kupangitsa masewero kukhala 4-0 pa mphindi 55 za masewerowa.

Katswiri wotchedwa Katoto anatsogoza timuyi pa mphindi 26 asanabwere Bartimole pa mphindi 37 ndipo mchigawo chachiwiri, Geyoro anamwetsa pa mphindi 50 kenako Chawinga patadzutsa zisanu ndipo Bartimole anabweranso pa 57 koma Mertens anamalizitsa pa 86.

Ichi ndi chigoli chachisanu ndi chinayi chipitireni ku PSG.