CHIGAMULO CHOYAMBA CHILIPO MAWA

Chigamulo choyamba chenicheni choti anthu adziwe kuti ligi ilowera kuti chiliko lachitatu pa 29 Novembala 2023 pomwe omwe akutsogolera ligiyi, FCB Nyasa Big Bullets, akukumana ndi Karonga United pa bwalo la Karonga mu ligi.

Matimuwa ndi okha omwe atsala ndi masewero 28 mu ligi ndipo zotsatira za pa masewero amenewa zili ndi matanthauzo osiyanasiyana malingana ndi mmene zidzayendere mu tsiku lomaliza la ligiyi.

Ngati Bullets itapambane ndi Karonga ndekuti timuyi ikhala akatswiri a ligi ya TNM ya 2023 ndipo ngati atalepherane ndi kukhala pa mapointsi 57 ndekuti Silver Strikers ili ndi mwayi wotenganso chikhochi koma Wanderers ayi.

Ngati Bullets ingagonje ndi Karonga ndekuti matimu a Mighty Mukuru Wanderers ndi Silver Strikers ali ndi mwayi waukulu kuti atha kudzatenga chikhochi lamulungu likudzali.

Bullets ili pa nambala yoyamba ndi mapointsi 56 pa masewero 28 pomwe Karonga ili ndi mapointsi 37 pa masewero 28 pa nambala yachisanu ndi chitatu.