"MILANDU YONSE YAMMBUYO ZILANGO ZAKE ZIKUBWERA MMAOLA 48" - HAIYA

Mtsogoleri wa bungwe la Super League of Malawi, Fleetwood Haiya, wati matimu onse omwe anaphonya khalidwe mu ligi ya TNM alandira chilango chawo mmaola 48 asanathe pomwe zonse zili mchimake.

Mukalata imene yatuluka ya mtsogoleriyu dzulo yosemphana ndi zimene Moyale Barracks yachitilidwa ku Dedza, iye wati ndi osakondwa ndi mchitidwe umenewu ndipo bungweli lati layamba kale kufufuza.

Iye wati zilango ziperekedwa kwa onse okhudzidwa ndipo wati matimu onse omwe analakwapo mmbuyomu akhale akudziwa chilango chawo mu masiku awiri akudzawa.

Chiyambireni, bungwe la SULOM silinaperekepo chilango chilichonse pa timu kamba ka ziwawa kapena kupanga za chikhulupiliro monga kuthira mkodzo ndi kulowera pa mpanda.

Wolemba: Hastings Wadza Kasonga Jr