CHAWINGA WAGOLETSANSO NDI MANCHESTER UNITED

Katswiri wa Scorchers, Tabitha Chawinga, wapereka mwayi waukulu kutimu yake kuti ipitilire mu mpikisano wa UEFA Champions League pomwe dzulo anagoletsa chigoli cha PSG pomwe alepherana 1-1 ndi Manchester United.

Chawinga anatsogoza timu yake pa mphindi 64 za masewerowa koma Melvin Meladi yemwe anachokera panja wa Manchester United anabwenza kuti masewero athere 1-1.

Iye anasewera kwa mphindi 88 asanamutulutse ndipo awa anali masewero ake oyamba mu chikhochi. Matimuwa akumananso mu masewero achibwereza sabata yamawa lachitatu ku France ndipo owina adzafika mu ndime ya mmagulu ku mpikisanowu.

Chawinga wakhala wosewera oyamba wa mpira wamiyendo wa amayi ku Malawi kusewera mu UEFA Champions League komanso kugoletsa.

Wolemba: Hastings Wadza Kasonga Jr