KHUDA WAMWETSA KALE ZIWIRI

Katswiri osewera kutsogolo mutimu ya Flames, Khuda Muyaba wayamba mwapamwamba kutimu yake yatsopano pomwe wagoletsa zigoli ziwiri pamasewero omwe Tishreen SC yagonjetsa Jebala 5-1 usiku wa lolemba.

Muyaba anathandizira chigoli choyamba pomwe nthawi yopumulira, timuyi imatsogola 2-0 koma anagoletsa chigoli chachitatu ndi chachinayi asanamutulutse.

Zigoli zina zatimuyi anagoletsa ndi Hamid Meadow, Ayman Akil komanso Kamel Kawaya.