NKHOMA ATHA KUPITA PA K255 MILLION KU CHIEFS

Timu ya Kaizer Chiefs yaika mtengo wa pafupifupi R4.3 million yomwe itha kukwana K255 million kuti atenge katswiri wa FCB Nyasa Big Bullets, Lanjesi Nkhoma.

Timuyi inaona katswiriyu ku mpikisano wa COSAFA wa chaka chino komwe iye anachita bwino ndi timu ya Flames ndipo anagoletsa chigoli chimodzi ku mpikisanowu.

Iye anapezeka pa ndandanda wa osewera khumi ndi mmodzi omwe anasewera bwino mmagulu a mpikisanowu zomwe zinakweza chikoka cha Kaizer Chiefs kufuna mnyamatayu.

Malingana ndi tsamba la Soccer Laduma ku South Africa, Chiefs sikubwenza malingaliro ake ofuna mnyamatayu.

Nkhoma wakhala ofunikira kumbali ya Bullets chaka chino pomwe wagoletsa zigoli zisanu ndi zitatu za timuyi mu chaka chino.