"NDAIKA ZIGOLI 20 KUTI NDIGOLETSE" - NYONDO

Katswiri wa timu ya Dedza Dynamos, Clement Nyondo, wati ndi okondwa ndi mmene akuchitira mu ligi ya TNM pomwe iye akutsogola ndi zigoli mu ligiyi.

Nyondo anagoletsa chigoli chake chachikhumi mu ligiyi pomwe timu yake ya Dedza yalepherana 2-2 ndi FCB Nyasa Big Bullets loweruka latha. Iye wati anali okondwa kugoletsa ndi Bullets pomwe akuti Bullets imazimva kuti amatha mpira.

"Ndithokoze Mulungu pondipatsanso chigolichi komanso kuti ndawaposa anthu ena, linali khumbo langa kugoletsa ndi Bullets poti amazimva kuti amatha mpira kwambiri." Iye anatero.

Nyondo, yemwenso amatchedwa kuti ndi Cristiano Ronaldo, wati akufuna chaka chino atagoletsa zigoli makumi awiri kuti akhale omwetsa zigoli zambiri. Pa zigoli 16 zomwe timu yake yamwetsa, 10 ndi zake.