HADJI WALI WASOWANSO KU BANGWE

Malipoti amveka kuti katswiri wakale wa Silver Strikers ndi FCB Nyasa Big Bullets, Hadji Wali sakupezeka kuzochitika za timuyi kwa masabata atatu tsopano.

Izi zadziwika pomwe limodzi mwa tsamba lolemba nkhani zamasewero mdziko muno la Wa ganyu lalemba za nkhaniyi ndipo anayankhulana ndi team manager watimu, Steve Madeira.

"Chomwe ndikudziwa ndi choti osewerayu akumapezeka koma mphunzitsi watimuyi ndi yemwe akumamubwenza kuti azipita. Sindikudziwa kuti ndi chani koma akumabwenzedwa." Anatero Madeira.

Katswiriyu wakhala akuchotsedwa ku Silver komanso ku Bullets kamba kosowa khalidwe.