MAKAWA WAPEMPHA MASAPOTA A CIVIL KUDEKHA

Mphunzitsi watimu ya Civil Service United, Abbas Makawa, wapempha otsatira a timuyi kuti adekhebe poti akukonza timu ya Osewera achisodzera ndipo zipatso zayamba kuoneka mmasewero omwe asewera posachedwapa.

Iye amayankhula patsogolo poyamba chigawo chachiwiri cha ligi ndi masewero a Chitipa United pa bwalo la Civil ndipo wati akhale ovuta kutengera kuti Chitipa ndi timu yabwino koma ayesetsa kuti achite bwino.

"Tikusewera ndi Chitipa ndi masewero ovuta kwambiri poti tisewera ndi timu yabwino koma Ife takonzekera kuti tichite bwino mpaka tikwere mu ligimu." Anatero Makawa.

Iye wati timuyi ikadaphunzirabe momwe angachitire kuti akhale timu yabwino ndipo mmene amalizira kumapeto a ligiyi zapereka chilimbikitso kuti akhale akuchita bwino mu chigawo chachiwirichi.

Civil ili pa nambala yachisanu ndi chinayi (9) pomwe ili ndi mapointsi okwana 20 pa masewero 15 omwe yasewera.