NKHAKANANGA WAIKIDWA KUTI ANAONONGA MASEWERO

Anthu awiri omwe amayang'anira masewero apakati pa Silver Strikers ndi Mighty Mukuru Wanderers, aloza chala oyimbira, Godfrey Nkhakananga poononga masewerowa mu lipoti yomwe apititsa ku Football Association of Malawi.

Awiriwa, Adelaide Migogo komanso Antonio Manda, ati Nkhakananga analakwitsa poyimba wezulo kuti mpira uyime kenako kupereka chigoli ku Silver Strikers zomwe zinapangitsa Wanderers kuukira mpaka kunyanyapa kuti asewerenso masewerowa.

Nawo ati ochemerera analakwitsa kugenda ndi kuononga katundu wina pa bwalo la Bingu ndipo akanatha kuchita bwino kuposa apa.

Izi zikupereka chithunzithunzi kuti Nkhakananga akhonza kulandira chilango kamba kosaimbira bwino ndipotu Wanderers ilandira zilango zonyanyala masewero komanso ochemerera awo kulowetsa masewero mu zipolowe.

Masewerowa anatha 2-1 kukomera timu ya Silver Strikers yomwe inapindula ndi zolakwika za oyimbirayu ndipo matimuwa adzakumananso mmasewero achibwereza.

Source: Times