"OMWE ANATISANGALATSA SABATA YATHA NDI OMWEWA" - MAKAWA

Mphunzitsi watimu ya Civo United, Abbas Makawa, wati akhale akuwalimbikitsa osewera ake kuti ayambirenso kuchita bwino poti ndi osewera ake omwewa omwe anapambananso sabata yatha.

Iye amayankhula atatha masewero omwe agonja 3-0 ndi Moyale Barracks pa bwalo la Mzuzu lero ndipo wati akonze monse molakwika kuti mmasewero ena azachitenso bwino.

"Lero zativuta tagonja kwambiri koma mwina tikanatha kupamba mu chigawo choyamba chomwe taphonya kwambiri koma zimachitika tiwalimbikitsa anyamatawa poti ndi omwewa omwe anatikondweretsa sabata yatha nde tiyesetsa." Anatero Makawa.

Timu ya Civo yayamba motsimphina mu ligi ya chaka chino pomwe yapambana masewero amodzi ndi kugonja awiri ndipo ali pa nambala yachisanu ndi chitatu (8).

"TIKUFUNIKA KUTI ALIYENSE AZIGOLETSA" - MAKAWA

Mphunzitsi watimu ya Civo United, Abbas Makawa, wati akulimbikitsa osewera ake onse kuti azikwanitsa kupeza zigoli ndi cholinga choti asamataye mipata yochuluka kuti azipambana masewero.

Iye amayankhula patsogolo pa masewero awo ndi Moyale Barracks kumathero a sabatayi pa bwalo la Mzuzu ndipo wati timu yake ikufunikira kukagoletsa zigoli zambiri kuti akapambane.

"Akhale masewero ovuta kutengera kuti tonse tili ndi ma pointsi atatu komanso kuti iwo ali pakwawo komabe takonzeka. Tikufunitsitsa kukapeza zigoli zambiri poti mumapambana ngati mukugoletsa nde titakagoletsa zambiri anzathu nkupeza mwina chimodzi ndekuti tikachita bwino nde tikufuna aliyense azitha kupeza zigoli ndekuti Civo ikondwa." Anatero Makawa.

Timuyi ili pa nambala yachisanu pomwe ili ndi mapointsi atatu pa masewero awiri ndipo masewero athawa inagonjetsa Dedza Dynamos 3-0.

"TINAYICHENJERERA DEDZA KUTI TICHITE BWINO" - MAKAWA

Mphunzitsi watimu ya Civo United, Abbas Makawa, wati chigoli cha msanga chinawathandiza kuti achite bwino ndipo ndi wokondwa kamba kopambana.

Iye amayankhula atatha masewero omwe apambana 3-0 ndi Dedza Dynamos ndi zigoli za Kelvin Kadzinje, Muhammad Biason komanso Emmanuel Savieli ndipo wati awalimbikitse osewera ake kuti azichitabe bwino.

"Anali masewero ovuta koma tinawachenjerera anzathuwa pomwe chigoli cha msanga chinatithandiza kwambiri kuwafoola koma tachita bwino, ku Mzuzu sabata yatha tinasewera bwino koma kuphonya nde lero tinawalimbikitsa, inde taphonya koma chipambano timachifuna Kwambiri." Anatero Makawa.

Timuyi tsopano ili pa nambala yachiwiri mu ligi ya TNM pomwe yatolera mapointsi atatu pa masewero awiri omwe yasewera.

CIVO YAKONZEKA KUKUMANA NDI DEDZA

Timu ya Civo United yati yakonzeka kukumana ndi Dedza Dynamos loweruka likudzali ndipo ikufunitsitsa itapeza chipambano kuti mitima ikhazikike kutimuyi.

Mphunzitsi watimuyi, Abbas Makawa, wati timu yake yamaliza zokonzekera zawo ndipo wati osewera Ake akudziwa kufunikira kopambana pakhomo ndikuti ayiwale kugonja Kwa sabata yatha ndi Mzuzu City Hammers.

"Tamaliza bwino zokonzekera ndipo zayenda bwino kwatsala ndi pabwalo, takonzekera kuti tikachite bwino chifukwa tinagonja mophweka sabata yatha pomwe tinamenya bwino koma sitinapeze chigoli nde mawa tigwira ntchito." Anatero Makawa.

Timu ya Civo inayamba moipa pomwe inagonja 1-0 ndi Mzuzu City Hammers yomwe inangokwanitsa kumenyera pagolo kamodzi kokha basi.

"WE MISSED A LOT OF CHANCES" - MAKAWA

Civo United head coach, Abbas Makawa, said his team missed a lot of chances and that cost them to suffer a defeat in Mzuzu.

Makawa said this after the team lost 1-0 to Mzuzu City Hammers at the Mzuzu Stadium on Sunday and said missed chances hurt the team.

"We played very well and controlled the game but we could not convert our chances and our friends got one chance and scored so we have rectify these problems so that we come out strong." Said Makawa.

The Servants sits 13th on the table after playing one game and have no point in the league.