Ramadan achotsa osewera asanu ndi anayi!

Mphunzitsi watimu ya Mighty Mukuru Wanderers, Nsazurwimo Ramadan, wati wapempha akuluakulu atimuyi kuti awasakire osewera okwana 9 matimu amu Supa ligi pomwe akufuna kuchepetsa osewera atimuyi.

Mphunzitsiyu amayankhula izi ku Dowa ku Mponela komweko timuyi ikuchita zokonzekera zawo ndipo wati pa osewera 34, ena achokapo kuti atsale 25.

"Osewera onse akuchita bwino akusewera mwapamwamba mwina enawa mphamvu ali nazo koma kwinako kukakhala kukawasungitsa kuti adzagwire ntchito kutsogoloku." Anatero Ramadan.

Iye watinso mmene timuyi ikumenyera ndithu atengako zikho mu chaka Chino.

Zamveka kuti osewera 7 omwe anachoka ku Reserve, Afana Amini komanso Ahamad Kung'unde atha kupita pa ngongole ku matimu ena.