"ANYAMATA ENA AKUNGOWONJEZERA NAMBALA" - KAFOTEKA

Wachiwiri kwa mphunzitsi watimu ya Chitipa United, Elvis Kafoteka, wadandaula kuti osewera ena mutimuyi sakulimbikira ndi chifukwa chake akulephera kupeza zotsatira zabwino.

Iye amayankhula atagonja 1-0 ndi timu ya FOMO ku Mulanje ndipo wati anyamata ena sakumachita zimene awuzidwa zomwe zamudandaulitsa kwambiri.

"Penanso ndikumadabwa kuti kodi akufuna kuti Kochi alowe yekha chifukwa anyamata ena mtima alibe nde Izizi sizilibwino, ena akungochulukitsamo nambala nde sitingamachite bwino tikuyenera kukonza zimenezi." Anatero Kafoteka.

Timuyi ili pa nambala 12 mu ligi pomwe yapambana masewero amodzi okha ndi kugonja atatu kuti akhale ndi mapointsi atatunso pa masewero anayi.

"POINT IMODZI SIZINAYIPE" - MWANSA

Mphunzitsi watimu ya Moyale Barracks, Prichard Mwansa, wati kupeza point imodzi pa masewero awo si zinthu zolakwika pomwe wati masewero tsopano ayamba kuvuta mu ligi.

Mwansa amayankhula atafanana mphamvu ndi timu ya Dedza Dynamos ku Mzuzu ndipo wati timu yake ndi yabwino ndipo yangotsala kukonza zinthu zochepa.

"Anali masewero abwino mwina tinasewera bwino mchigawo choyamba pomwe tinapeza mipata ingapo koma sitinathe kugonjetsa pomwe mchigawo chachiwiri anzathu anabwera komabe sitinachinyitse nde kupeza point imodzi sizinaipe poti tsopano mpira wavuta ndipo matimu ayamba kuchita bwino." Anatero Mwansa.

Timu ya Moyale ili pa nambala 6 mu ligi pomwe ili ndi mapointsi 7 pa masewero anayi omwe asewera. Iwo apambana kawiri, kufanana mphamvu kamodzi ndi kugonjanso kamodzi.

"OYIMBIRA SANAGWIRE BWINO NTCHITO" - BUNYA

Mphunzitsi watimu ya Dedza Dynamos, Andrew Bunya, wati kupatula kuphonya mipata yawo, oyimbira sanagwire bwino ntchito yake zomwe zachititsa kuti asapeze chigoli.

Iye amayankhula atatha masewero omwe afanana mphamvu 0-0 ndi Moyale Barracks ndipo wati sakudziwa kuti kunali kukondera kapena kusadziwa ntchito koma oyimbira wakanika kugwira ntchito yake.

"Tinakonza kuti mchigawo choyamba tiwasunge koma mchigawo chachiwiri tipite kutsogolo kwambiri nde koma mipata tinayipeza tinaphonya koma ina timagwetsedwa mu box koma oyimbira sanafune kuyimba, osati kuti timafuna kukonderedwa koma ntchito yawavuta." Anatero Bunya.

Timu ya Dedza Dynamos ili pa nambala 13 mu ligi pomwe ili ndi mapointsi atatu pomwe yafanana mphamvu katatu ndi kugonja kamodzi.

"IF YOU CAN'T SCORE YOU CAN'T WIN" - MWASE

Mighty Mukuru Wanderers Assistant coach, Meke Mwase, hailed his boys for trying hard to find a goal but they could not as they played a goalless draw at the Mpira Stadium.

Mwase said this after the Nomads played a 0-0 draw against Bangwe All Stars in a game which they dominated a lot and said his team's failure to get a goal means it was really hard to win.

"These are one of the games that we will be facing in the league, we played very well we created chances but if we can not score then we can't win the game but thanks to the boys for their performance, they tried everything to win the game." Said Mwase.

The Nomads next assignment is facing FCB Nyasa Big Bullets in a Blantyre Derby next week and they will go into the match on third position with 8 points from 4 games in the TNM Super League.

"TASANGALALA KWAMBIRI NDI MMENE ZATHERA" - SEMU

Wothandizira kwa mphunzitsi watimu ya Bangwe All Stars, Joseph Semu, wati zomwe anawauza osewera atimuyi zinayenda pomwe anati akangotseka kumbuyo kuti Wanderers isapeze mpata.

Iye amayankhula atatha masewero omwe anafanana mphamvu 0-0 ndi Mighty Mukuru Wanderers pa bwalo la Mpira ku Blantyre ndipo anati ndi wokondwa ndi zotsatirazi.

"Anali masewero abwino ndipo tithokoze kuti osewera achita zomwe tinawauza kuti Wanderers ndi timu yaikulu ndipo ndiyovuta maseweredwe awo nde tikangotseka kumbuyo kwathu ndipo ndine wokondwa ndi zotsatirazi." Anatero Semu.

Timuyi tsopano yatsitsa kufika pa nambala 15 pomwe yakwanitsa kufanana mphamvu kawiri ndi kugonjanso kawiri kuti akhale ndi mapointsi awiri pa masewero anayi.