"TAPHONYA KWAMBIRI LERO" - NATHANIEL

Wachiwiri kwa othandizira kwa mphunzitsi watimu ya Chitipa United, Gift Nathaniel, wati timu yawo yakanika kupeza chipambano pa masewero awo kamba koti osewera awo aphonya mipata yochuluka kwambiri.

Iye amayankhula atatha masewero omwe agonja 1-0 ndi timu ya Mighty Waka Waka Tigers pa bwalo la Karonga ndipo wati iyi yangokhala nyengo yovuta yomwe timuyi ikudutsa koma osewera abwino ali nawo.

"Tagonja ngati timu koma tinasewera bwino kungoti tayiluza kumapeto kwa masewerowa koma tinapeza mipata yambiri taphonya mwina mchigawo choyamba chija bwenzi ili 2-0 koma tinenedi kuti taphonya kwambiri." Anatero Nathaniel.

Iye wati masapota atimuyi alimbe mtima ndipo akhale nawobe osewerawa kuti chilichonse chikhale bwino kutimuyi poti ndi yabwinobwino koma mwina yangokumana ndi nyengo yoyipa.

Timuyi yangopambana masewero amodzi okha pa masewero asanu pomwe anayi anagonja ndipo ali pa nambala 13 ndi mapointsi atatu.

"ANYAMATA ENA AKUNGOWONJEZERA NAMBALA" - KAFOTEKA

Wachiwiri kwa mphunzitsi watimu ya Chitipa United, Elvis Kafoteka, wadandaula kuti osewera ena mutimuyi sakulimbikira ndi chifukwa chake akulephera kupeza zotsatira zabwino.

Iye amayankhula atagonja 1-0 ndi timu ya FOMO ku Mulanje ndipo wati anyamata ena sakumachita zimene awuzidwa zomwe zamudandaulitsa kwambiri.

"Penanso ndikumadabwa kuti kodi akufuna kuti Kochi alowe yekha chifukwa anyamata ena mtima alibe nde Izizi sizilibwino, ena akungochulukitsamo nambala nde sitingamachite bwino tikuyenera kukonza zimenezi." Anatero Kafoteka.

Timuyi ili pa nambala 12 mu ligi pomwe yapambana masewero amodzi okha ndi kugonja atatu kuti akhale ndi mapointsi atatunso pa masewero anayi.

"TIKHALA NDI TIMU YABWINO" - KAFOTEKA

Wachiwiri kwa mphunzitsi watimu ya Chitipa United, Elvis Kafoteka, wati timu yake ikhale imodzi mwa matimu oopsa kwambiri pomwe izisewera mpira wapamwamba kwambiri.

Iye amayankhula atatha masewero omwe agonja 0-3 pa bwalo la Karonga lamulungu ndipo wati timu yake inasokonekera mchigawo chachiwiri mpake inapezetsa zigoli zambiri.

"Anali masewero abwino kwambiri pomwe tinasewera bwino mchigawo choyamba koma mchigawo chachiwiri tinafooka kwambiri mpake tinapezetsa zigolizo koma ndi mmene tasewerera mchigawo choyamba ndikulimba mtima kuti timuyi ikhala bwino." Anatero Kafoteka.

Timu ya Chitipa ili pa nambala 11 mu ligi ya TNM pomwe yatolera mapointsi atatu pa masewero atatu omwe yasewera.

"CHITIPA SI TIMU YOIPA KWAMBIRI" - KAFOTEKA

Wachiwiri kwa mphunzitsi watimu ya Chitipa United, Elvis Kafoteka, wati timu yake yasewera bwino kwambiri ndipo yaonetsa kuthekera kochitanso bwino mu ligi ya 2024.

Iye amayankhula atatha masewero omwe agonja 2-0 ndi Silver Strikers pa bwalo la Silver ndipo wati wakhutira ndi mmene osewerawa anachitira ndi Silver.

"Anali masewero oti tonse timafanana kwambiri mu mphindi 15 zoyambilira komwe sitimawapatsa ulemu a Silver Strikers koma kenako tinayamba kuwawopa nde tinatsegula mipata yonse mpaka anagoletsa komabe asewera bwino kwambiri." Anatero Kafoteka.

Timu ya Chitipa tsopano yapezeka ili pansi penipeni pa ligi pomwe yagoletsetsa zigoli zambiri kuposa timu iliyonse ndipo alibe point iliyonse mu ligiyi.

CHITIPA UNITED 2024 SQUARD

GOALKEEPERS
1: KENNEDY NAKHAIMA
2: WELUSI SILAVWE
3: ADAM MSOKWA

DEFENDERS
4: CHRISS LWEMBA
5: WENTER KAPALAMULA
6: KENNEDY POWER
7: ISSACK MWANDALA
8: OSMAN MBWAGHA
9: SIPHIWE SAIDI
10: PETER MUGHOGHO
11: SHAMTY MKONGA
12: JOSEPH BLESSNGS

MIDFILDERS
13: GIDION SULULU
14: ANDREW CHIWIRA
15: LAMSON LUKALI
16: LUMBANI NYONDO
17: RICHARD MSUKWA
18: RAJAB NYIRENDA
19: GODFREY KWIYOKWA
20: JACK BEZA
21: BRIGHT MASEBO
22: KEN MLENGA
23: FRANCIS NYIRENDA
24: STIMELLA MUYIRA
25: DUMISAN JERE
26: STEVE SAKA

STRIKERS
27: RAMADAN NTAFU
28: PASCAL MBWANJE
29: MABUCHI MSISKA
30: LAMECK KIBONA
31: JUMA MSONGOLE