ZELIATI NKHOMA WACHIRA

Katswiri wa Kamuzu Barracks, Zeliati Nkhoma, akhale akubwereranso pa bwalo lazamasewero kumbali ya timuyi kutsatira kupeza bwino pomwe anavulala.

Katswiriyu anavulala kumayambiriro a ligi ya chaka chino ndipo sanapezeke kwa masabata odutsa khumi ndi atatu koma tsopano alibwino.

Nkhoma anatsimikiza za nkhaniyi kudzera pa tsamba lake la Facebook ndipo wati akuyembekezera kuti achita bwino kumbali yomwetsa zigoli mu ligiyi.

Katswiriyu anamwetsa zigoli zokwana khumi (10) chaka Chatha pomwe anathandizira KB kuthera pa nambala yachitatu mu ligiyi.